ပြည်ထောင်စုသမ္မတမြန်မာနိုင်ငံတော်အစိုးရ
သိပ္ပံနှင့်နည်းပညာဝန်ကြီးဌာန
နည်းပညာမြှင့်တင်ရေးနှင့်ပူးပေါင်းဆောင်ရွက်ရေးဦးစီးဌာန
အရည်အချင်းစစ်စာမေးပွဲများ ကျင်းပမည့် နေ့ရက်၊ အချိန်၊ နေရာနှင့် ဖြေဆိုခွင့်ကတ် ထုတ်ယူနိုင်ရေး အသိပေးကြေညာခြင်း
၁။ နည်းပညာမြှင့်တင်ရေးနှင့်ပူးပေါင်းဆောင်ရွက်ရေးဦးစီးဌာနရှိ (ရုံးချုပ်)၊ သတင်းအချက်အလက် နှင့်ဆက်သွယ်ရေးနည်းပညာဖွံ့ဖြိုးရေးနှင့်ပူးပေါင်းဆောင်ရွက်ရေးဌာန၊ ဒြပ်ပစ္စည်းသိပ္ပံသုတေသနဌာန နှင့် မော်တော်ယာဉ်နည်းပညာသုတေသနဌာနတို့တွင် လစ်လပ်လျက်ရှိသော စက်မှုကျွမ်းကျင်(၂)၊ ကွန်ပျူတာလုပ်ဆောင်ရေးမှူး၊ စာရင်းကိုင်(၂)၊ စာရင်းကိုင်(၄)၊ အငယ်တန်းစာရေး၊ စက်မှုကျွမ်းကျင်(၅)၊ စက်မှုကျွမ်းကျင်(၄)၊ ယာဉ်မောင်း(၅)၊ ရုံးအကူ၊ သန့်ရှင်းရေးအကူ၊ အစောင့်နှင့် လုပ်သား ရာထူး နေရာများအတွက် (၃- ၂ -၂၀၂၃) ရက်နေ့တွင် မြန်မာ့အလင်းသတင်းစာနှင့် (၄- ၂ -၂၀၂၃) ရက်နေ့ တွင် ကြေးမုံသတင်းစာတို့၌ အလုပ်လျှောက်လွှာများခေါ်ယူခဲ့ပါသည်။
၂။ ရေးဖြေစာမေးပွဲ ဖြေဆိုရမည့် ရာထူးအဆင့်များဖြစ်သော စက်မှုကျွမ်းကျင်(၂)၊ ကွန်ပျူတာ လုပ်ဆောင်ရေးမှူး၊ စာရင်းကိုင်(၂)၊ စာရင်းကိုင်(၄)၊ အငယ်တန်းစာရေးရာထူးများအတွက် ရေးဖြေ စာမေးပွဲဖြေဆိုရမည့်နေ့ရက်အား အောက်ပါအတိုင်း သတ်မှတ်ထားပါကြောင်း အသိပေးကြေညာ အပ်ပါသည်-
| (က) | ရေးဖြေစာမေးပွဲ ဖြေဆိုရမည့်နေ့ရက် | ၁၁-၃-၂၀၂၃ (စနေနေ့) |
| (ခ) | ဖြေဆိုရမည့်အချိန်/ ဘာသာရပ် | ၀၈ ၀၀ နာရီမှ ၁၀ ၀၀နာရီထိ / မြန်မာစာ ၁၁ ၀၀ နာရီမှ ၁၃ ၀၀နာရီထိ / အင်္ဂလိပ်စာ ၁၄ ၀၀ နာရီမှ ၁၆ ၀၀နာရီထိ / အထွေထွေဗဟုသုတ |
| (ဂ) | စာမေးပွဲကျင်းပြုလုပ်မည့် နေရာများ(စာစစ်ဌာနများ) | ရုံးချုပ်(နေပြည်တော်)၊ ဒြပ်ပစ္စည်းသိပ္ပံသုတေသနဌာန(ဓါတ်တော်၊ အေလာ)၊ မော်တော်ယာဉ်နည်းပညာသုတေသနဌာန(ပြင်ဦးလွင်) *(လျှောက်လွှာတင်သွင်းခဲ့သည့် နေရာ/ဌာနတွင် စာမေးပွဲ ဖြေဆိုရမည်ဖြစ်ပါသည်။) |
၃။ ဖြေဆိုခွင့်ကတ်ပြားများအား (၉-၃-၂၀၂၃) ရက်နေ့မှ (၁၀-၃-၂၀၂၃) ရက်နေ့ ရုံးချိန်အတွင်း ကာယကံရှင်ကိုယ်တိုင် လာရောက်ထုတ်ယူနိုင်ပါကြောင်း၊ အသေးစိတ်အချက်အလက်များအား သိရှိလို ပါက နည်းပညာမြှင့်တင်ရေးနှင့်ပူးပေါင်းဆောင်ရွက်ရေးဦးစီးဌာန၊ နေပြည်တော် ၀၆၇ – ၃၄၀၄၄၅၅၊ ဒြပ်ပစ္စည်းသိပ္ပံသုတေသနဌာန၊ ၀၃၃-၆၀၃၅၃၊ ၀၉ – ၇၅၂၉၆၆၇၇၂၊ ၀၉ – ၇၉၉၂၁၁၉၂၄ နှင့် မော်တော် ယာဉ်နည်းပညာသုတေသနဌာန၊ ၀၉ – ၈၈၁၃၁၇၅၁၁၊ ၀၉- ၈၈၂၀၄၄၆၅၄ တို့တွင် ရုံးချိန်အတွင်း ဆက်သွယ် စုံစမ်းနိုင်ပါသည်။
နည်းပညာမြှင့်တင်ရေးနှင့်ပူးပေါင်းဆောင်ရွက်ရေးဦးစီးဌာန